دماء تفوح منها رائحة المسك
هم جنود ضحوا بأرواحهم فداءا لكم يا شعب مصر
المخطط كبير
تخيل في اللحظة التي تأمن فيها علي نفسك واهل بيتك تنام في فراشك تخط اناملك منشورا عبر صفحات التواصل تعلق او تحلل او تنتقد مطمئن علي أولادك في فراشهم ينامون في امن وسلام هناك أبطال يقدمون ارواحهم ثمنا لراحتك وامنا لأهل بيتكتعالو نتخلي عن الكلام المنسق ونتحدث بلغة البسطاء من غير تكلف من القلب للقلب
هل فكرت في لحظة امنك وسلامك الان كيف حال اهل الشهداء
شكلهم ايه حالتهم ايه
انا وانت نايمين مطمنين ومش خايفين
لان دول هم السور اللي بينا وبين عدونا
السور في ناس بتهدم فيه يا اهل مصر
كل يوم كام لبنة من لبنات السور دا بتسقط
سيبك من بتاع التوكتوك وسيبك من الليثي
وسيبك من مرسي وسيبك من السيسي
سيبك من كرسي الرئاسة
الامان دا في لحظة ممكن يزول لو سور الدفاع وقع كله
جيشنا انا وانت لازم ندعيله لازم نقول مليون لاء لاي نقطة دم تنزل من جندي
تخيل كل العرسان اللي ماتو النهارده
في سن عشرينات
يعني منهم اللي بيجهز شقته علشان يتجوز
وعروسته كانت منتظراه
منهم اللي بيستني الاجازة علشان ينزل يشتغل كام يومية يجيب مصاريف امه واخواته
دول النهاردة قدمولك شهادة حب
قالوا لك نام مرتاح احنا بنفديك بارواحناياشعب مصر
ياكل محب لوطنه
ياهل الاصل والعراقة والكرم
بخاطب فيكم الشهامة والمروءة
بخاطب فيكم الرجل الجدع اللي لو فكر حد يدخل منطقته يفكر يأذي حد من أهل المنطقة بيقف ويتصدي والدليل شوفناه في لجان شعبية في ثورة 25 يناير كان اتنين تلاتة بيحموا منطقة كاملة سهرانين طول الليل مع بعض ايديهم في ايد بعض بيحموا بعض خايفين علي بعض
بخاطب فيكم الجدعنة
بخاطب فيكم حبكم لربنا والانبياء والكتبمصر امانة
لو فضلنا احزاب
فريق يكره فريق ويتصيد اخطاء فريق
والنتيجة اخويا واخوك اللي في الجيش بيموتالنتيجة بلدي وبلدك اللي بيمكروا ليها وبيستخدمونا بفرقتنا ونزاعنا
نجوع لكن مافيش اجنبي يدخل يسرق قوتنا وينتهك اعراضنا
نجوع لكن نبات في بيوتنا مش مدمرة ولا بقت كوم تراب من صاروخ او دبابة
نجوع يا مصريين ونحافظ علي مصر
مصر اللي الرب العلي شرفها بالذكر والتخصيص في القران
ارجعوا بسرعه لصوت العقل وحط ايدكم في ايد بعض
مفيش اخواني وسيساوي
في مصري واحد
دم واحد
تراب واحد
صلة رحم تجمعنا اخوة في الدين والوطن
الحقوا مصر قبل مانصبح علي صوت صاروخ اجنبي يهد بيوتنا فوق دماغنا
قبل مانصرخ ونحاول ننقذ ولادنا تحت الانقاض
قبل ماتيجي محكمة غربية قذرة تحاكم مسئول مصري
المصري يزعل شوية من اخوه من جاره لكن لو شاف حد غريب جاي يعتدي علي اخوه او جاره
يامصريين
يمكن غلاء الاسعار انذار رباني اننا نرجع لدينا وتعاليم كتابنا
اوعي تنسي ان الجوع والخوف ونقص المال والانفس والثمرات عوامل ابتلاء محتاجه وبشر الصابرين
محتاجه الرضا والتسليم ومعالجة القلب ومحاسبة النفس
وطنا في خطر
كل يوم هانقول مظاهرة وشباب بيضيع ونندم
ونبدأ من جديد
الفرصة لسه في ايدينا نلحق نفسنا ونجمع قلوبنا ونوحد صفوفنا وصدقوني الاعلام لسه بيستغل طيبتنا
مع كل ثورة بنلاقيهم اطهار ابرار ولما يمسك الرئس ايا كان هو بيسلمونا ويشتروا ملاينهم ورواتبهم
نفوق يا شعب مصر
قبل فوات الاوانيارب
احفظ مصر
وجيش مصر
واهل مصر
